الرجالة عامة في اي حتة في العالم العربي ليهم قاموس واحد و منهج واحد ماشيين عليه, احنا قررنا نفك شوية شفرات في القاموس ده و جبنالكوا شوية حاجات كل البنات بتعملها بتخلي الرجالة تطفش.

1- لو فاكرة ان الرجالة بتجلب السعادة .. لا ده عند الشيخة خديجة المغربية بس مش هنا.

رجالة ميييين الي بتجلب السعادة, هو اخره يجلب ريموت التليفزيون! العلاقات العاطفية مش حل للملل و الروتين اللي في حياتك بالعكس دي السعادة هي الي بتجلب الرجالة, هما يحبوا البنت الفرفوشة البتضحك و تهزر و حياتها على طول مخلياها عندها حاجة تحكيها -مش مملة- بس المفجأة ان 2% من البنات بس هما البيفضلوا كده و مش بيتحولوا.

2- سترونج اندبندنت ومان!

شكل الكلمة بالعربي شبه سوبر مان و بات مان, تقريبا عشان كده الرجالة بيشوفوا البنت المعتمدة على نفسها بزيادة و شخصيتها قوية أو على الأقل اقوى منه شخصية خارقة و مش بيشوفوا انوثتها, فبنسبالوا مش فارقة عن عاطف صاحبه في حاجة, من الأخر مفيش راجل بيحب يشوف نفسه ضعيف فمتستنيش انك تلفتي نظره لانك شايلة مسؤلية نفسك و هو لسة بياخد مصروف من مامي.

3- متخليش الراجل محور حياتك.

لو مفيش حاجة تانية تشغلك في حياتك شوية غيره طبيعي هتبقي زنانة و شايفة انه مش مهتم و مقصر و انك مش اول حاجة في حياته و انتي اللي بتجري وراه .. بسسس هو كده طفش! مفيش بني أدم بيحب الحاجة تجيلو لحد عنده, لازم يطلع عينه عشان يوصلها, لو هتجرى وراه هيهرب منك.

4- النكد.

لو هتقعدي تتلككي عشان تقفشي و تتخاقوا و تسيبوا بعض الرجالة خلقهم ضيق و متتفاجئيش لما تلاقيه بيقول نيييييييييكست.

5- الغيرة و الشك.

شوية ثقة مش هتخسرك حاجة بالعكس لو ادتيلو 50% بس ثقة هو هيحس بالامان و هتقدري تقفشيه بسهولة.

SHARE